CCXVI.

1349, April 27. Ottmachau.

Nicolaus von Danielwitz und seine Erben verzichten auf das dem Kloster verkaufte Dorf Baitzen.

Ego Niccuzcho dictus de Danielwicz una cum domina Elyzabeth uxore mea necnon et filiis meis Niccuzchone, Heynczchone, Lutchone, Borutone, Bernardo et Dirzchone universaliter ac singulariter presentibus publice recognoscimus et fatemur, quod venditis bonis nostris, villa videlicet Bycen cum suis pertinenciis universis et singulis sine aliqua exceptione domino Syghardo abbati et conventui monasterii Camencz, postmodo ad dominum Nicolaum ducem Munstirbergensem, dominum nostrum hereditarium, universaliter accessimus et eandem villam Bycen per manus eiusdem domini ducis, appositis manibus omnium nostrorum ad pilleum, dicto domino abbati et monasterio Camencz resignavimus perpetuo possidendam, hiis sane condicionibus interiectis pariter et expresse: in primis, quod idem dominus abbas soli domine Elyzabeth predicte tamquam principali heredi, ad quam prefata villa Bycen ex primeva successione dinoscitur devoluta, de solvenda et danda pecunia hereditaria debet respondere ac de tota solutione obligari, nisi, quod absit, aliquid humanitus medio tempore eveniret. Item promisimus pro Ramvoldo filio et coheredi nostro absente, quod cum ipso sufficienter componere volumus, quod monasterium impedimentum prorsus nullum per ipsum patietur; item promisimus, limites et gades antiquas omnes et singulas pertinentes in Bycen et cum Gunthero de manso de duabus marcis dandis plenarie exbrigare. Item renunciavimus omnibus et singulis impeticionibus, arrestationibus et actionibus contra mona­sterium predictum Camencz et omnia et singula bona ad ipsum monasterium pertinentia sive pro dampnis vel aliis factis quibuscunque, sive sit Durrendorf seu Wolveramsdorf vel Slabaten­dorf sive silva Nydec, de quibus omnibus et singulis sic expressis vel eciam non expressis pre­dictos fratres ac dominos tam presentes quam successores eorum perpetuis temporibus pure et simpliciter, libere et absolute absolvimus cupientes, volentes, ymmo bona ac sincera fide fideliter promittentes ipsos predictos fratres monasterii et omnia bona, ad ipsum pertinentia contra ad­versarios et molestatores ipsorum pro possibilitate nostra defendere, cum in eodem monasterio Camencz et in nostra capella ibidem constructa nostri progenitores et coheredes sint sepulti et nos similiter eligimus ibidem affectu, quo possumus, sepeliri. In cuius rei et omnium harum promissionum firmum testimonium presentes scribi iussimus et sigillis omnium nostrum communiri. Preterea bona fide promisimus et exnunc promittimus, pacto sub eodem loco eviccionis, que vulgariter "di gewere" nuncupatur, quod solutionem hereditariam nobis promissam, videlicet ducentas marcas in festo beati Martini, nec alias trecentas marcas solvendas ultimo in festo Penthecostes, a prefato domino abbate vel ab aliis fratribus dicti monasterii Camencz repetere, vel aliquo modo extorquere volumus vel exigere, nisi prius dictam villam Bycen et universa et singula ad ipsam pertinentia ab omni impetitione, a(r)restatione et actione libere et absolute secundum quod de iure tenemur, exbrigemus. Harum omnium et singularum promissionum usque ad illum locum preterea, que facta fuerunt coram duce in Munstirberc, dominica, qua cantatur: Iudica domine, anno domini M°. CCC°. XLIX°. testes sunt domini milites: Ulricus de Lebinrode, Petrus Santko, Johannes Budow, Witko Boemus, Andreas iudex curie etc. Ab eo autem loco preterea usque ad finem, que facta fuerunt Vo. Kal. Maii anno domini M°. CCC°. XLIX° in Othmuchow, testes fuerunt: dominus Petrus Santko, dominus Nicolaus de Lemberc iudex curie, Nicolaus de Lybinow, Johannes de Waldow, Heynczco de Smeicz (?) et Johannes Predil.

Or. Perg. An Pergamentstreifen hängen die Siegel des Niccuzcho de Danielwicz und seiner sechs miturkundenden Söhne. Alle sieben S. führen den unter No. CXCI. beschriebenen Helm und unterscheiden sich nur durch die Vornamen in den Umschriften; als Beiname auf den S. der Söhne erscheint Danilwicz.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.